Maker Ekintzaile egonaldien aurkezpena

Maker Faire Bilbao Jaialdiaren esparru barruan, Maker Ekintzaile 2025 sorkuntza egonaldietan garatu diren proiektuak aurkeztuko ditu Open Espazioak. Sortzaileek kultura digitalarekin eta sormenezko teknologiekin lotutako proposamenak aurkeztuko dituzte, publikoari zabalik egongo den ekitaldi batean. Era berean, instalazio interaktiboak aurkeztuko dira topaketan, eta bertaratuek sorkuntzekin zuzenean esperimentatzeko aukera izango dute. Ekitaldi honekin emango zaio hasiera Maker Faire Bilbao Sormenezko Teknologien Nazioarteko Jaialdiari.