T-Factor. Trantsizio jasangarriak
Aldi baterako erabilerak hirian, hiri garapenean oreka eta inklusioa helburu
PROGRAMA
Bisita gidatua T-Factor ekosistemara (**gonbidapenarekin**)
Astelehena, azaroak 20. Open espazioa (Deustuko Erribera, 70)
15:00 - 15:15 Harrera eta ongietorria.
15:15 - 15:45 Proiektu pilotuaren aurkezpena, T-Factor proiektuko bazkideen eskutik.
15:45 - 17:00 Bisita batera sortutako bien bitarteko espazioetara eta T-FACTOR ekosistemara.
17:00 Itxiera, eta networking.
T-FACTOR. Hiri berrikuntza: Aldi baterako erabilerak aztertzen
Asteartea, azaroak 21, Zabalguneko eraikina (Zabalguneko plaza, 11)
10:00 - 12:00 Hitzaldiak eta mahai-ingurua. Oinarrizko ekimenetatik hiri mailako proiektu artikulatzaileetara (publiko guztientzako ekitaldia, hemen izena eman). Gonbidatutako ekimenak:
12:30 - 14:30 Hiri berrikuntza tailerra: Aldi baterako erabilerak aztertzen, testuinguraketa: Ane Abarrategi (**gonbidapenarekin**)
14:30 Itxiera eta networking
** Ekitaldi horietarako T-Factor antolakuntzaren gonbidapena behar da **
Azaroaren 20an eta 21ean, T-FACTOR proiektuaren eskutik bi eguneko topaketa antolatuko ditugu, "aldi baterako erabilerak" tresna estrategiko gisa aztertzeko, hiri garapen jasangarriago, oparoago eta inklusiboagoa lortzeko.
Lehenengo egunean, gonbidapena** duten pertsonentzako topaketan, Deustuko Erriberako eta Zorrotzaurreko eremu pilotuan diseinuaren inguruan eratu den praktikako komunitateak batera sortutako aldi baterako guneak aurkeztuko ditugu zuzenean. Era berean, ekimen honetan laguntzen duten eta espazio horiek sortzea ahalbidetu duen berrikuntza ekosistemaren parte diren sormen espazioak bisitatuko ditugu.
Topaketaren bigarren egunean (izen-ematea zabalik: hemen), "aldi baterako erabilerak" beren hiri garapeneko estrategiaren barruan sartu dituzten hiru hiriren kasuak ezagutuko ditugu: Londres (Euston), Stockholm (Blivande) eta Brusela (Communa). Jarraian, mahai.inguru bat antolatuko da eztabaidatzeko.
Ondoren, tailer bat egingo da, gonbidapena** duten pertsonei zuzenduta. Bertan, hirigintza garapen eta berrikuntza arloetako profesionalekin hiriek "aldi baterako erabilerak" nola sustatu eta erraztu ditzaketen argitzen saiatuko gara, beren estrategian nola txertatu ditzaketen ulertzeko.
T-FACTOR Horizonte 2020 programaren berrikuntza proiektu bat da. Programa 2020ko ekainean jarri zen abian, aldi baterako erabilerek hiri berroneratzea bultzatzeko duten ahalmen eraldatzailea aztertzeko eta ikasteko, hirien diseinua eta gobernantza bezalako arloetan.
T-FACTOR proiektuak modu aktiboan egiten du lan Liburu Zuria sortzeko. Dokumentu horrek Europako hirietako hiri berroneratze planetan aldi baterako erabilerak integratzea sustatzeko ideiak eta proposamenak sistematizatzeko erreferente izan nahi du. Europar Batasuneko ekimenekin (hala nola Europako Itun Berdea eta Europako Bauhaus Berria) bat egin behar denez, Liburu Zuriak esparru politiko dinamiko baten alde egingo du, aldi baterako erabilerak hiri garapen bidezko, inklusibo eta jasangarria lortzeko tresna gisa hartuko dituena.
Bilbok hiri pilotu gisa parte hartzen du T-FACTOR proiektuaren barruan, Deustuko Erriberan eta Zorrotzaurren, "aldi baterako erabileren" praktikaren inguruan ikertzeko, ikasteko eta komunitatea eraikitzeko. Horretarako, pilotuaren estrategiaren ardatza uhartean, orain eta etorkizunean, arlo horretan arituko diren eragileen arteko lankidetza aktibatu nahi da, sormen ekimenek eta ekimen horietako profesionalek, unibertsitateek eta ikasleek ordezkatzen duten talentua eta arlo horretan bizi eta lan egiten duen komunitatea ikusarazteko eta aktibatzeko.
Lankidetza hori bi unibertsitatetako (Deustu eta Mondragon) eta IED-Kunsthal Diseinu Eskolako ikasleek diseinatutako eta fabrikatutako aldi baterako hiru hiri espazioren baterako sormen programa batean gauzatu da, uharteko diseinuko eta sormen espazioetako profesionalek eta T-FACTOR proiektuko kide diren erakundeetako aditu europarrek lagunduta. Gune horietan egungo gaiak jorratzen dira, hala nola hiriek klima aldaketaren aurrean duten erresilientzia, ekonomia zirkularra eta elkarlanekoa, eta kultura ondare immaterialaren memoria zaintzea.
Hizlariak
Sofia Anner proiektu-kudeatzailea da Blivanden, eta Frihamnstorgeten garapenaz arduratzen da. Frihamnstorget hiri-herrixka esperimental bat da, edukiontziz betea, eta 2.600 m2-ko aparkaleku batean sortzen ari da Blivande kulturgunearen kanpoaldean, Stockholm erdialdean. “Aldi baterako erabilerak” sortzeko, proiektua espazio hilak aktibatzen ari da, Norra Djurgårdsstaden barruan bizitegi-eremu berri bat garatzeko (Europako hiri-garapeneko proiektu handienetako bat) eta eragina izan du hurrengo garapen-planean. Sofia aitzindaria izan da Suediako lehen eraikuntza-baimen “malgua” lortzen, eta beste aurrekari bat ezarri du Suediako eraikuntzaren arloko kode eta legeriaren interpretazioan eta aplikazioan. Frihamnens Kulturförening-en ere buru da, Frihamnstorgeten kultur jarduerak antolatzen dituena.
Hampus kulturaren diziplina anitzeko profesionala da, eta azken 13 urteetan hainbat jaialdi parte-hartzaileren, irabazi asmorik gabeko elkarte iraunkorren eta komunitate sortzaileen pizgarri izan da. Eskandinaviako "burner" eszenaren irudi nagusi eta Stockholmeko espazio-sortzaile eraginkor gisa, 2019an Blivande kultura-etxe independentearen eta haren alboko Frihamnstorget edukiontzi-herrixkaren sorreraren buru izan zen hiriko portu-barrutian. 2023an Berlingo Sisyphos klubeko Julian Ueding-ekin batera The Night Academy proiektu internazionala abiarazi zuen.
Eli Hatleskog ikertzailea da Londresko Arteen Unibertsitatean. Elkarlaneko praktika espazialetan lan egiten du, eta diziplina arteko hiri-ikerketan espezializatuta dago. T-Factorren bidez, Elik herritarrek zuzendutako aldi baterako erabilerak babestu zituen, zeinek Eustonen (Londres) sozialki konprometitutako praktiken komunitate bat sortu zuten. Aurretik, diseinu onaren.0 eragina frogatu eta ebaluatzeko helburuarekin, ikerketa bat garatu zuen eraikitako ingurunean jendeak gizarte-balioa nola esperimentatzen duen jakiteko, eta arkitekto britainiarrentzako gida bat garatu zuen RIBAn (“Social Value Toolkit for Architecture”, 2020). Flora Samuel irakaslearekin batera (Cambridge Unibertsitatea, Erresuma Batua), “Social Value in Architecture” (AD 2020) argitaratu zuen eta RIBAko presidentearen 2020ko domina irabazi zuen, “Mapping Social Values” lanagatik.
Zuzenbidean lizentziaduna, Maxime Zaïtek 2013an Communa elkartea sortu zuen. Eraikin abandonatuak erabiltzen ditu komunitateei espazioak eskeintzeko, Brusela eskuragarriagoa, demokratikoagoa, erresilienteagoa eta sortzaileagoa izan dadin. 2022an, 9 hilabeteko biratik itzuli zen, zeinetan Europa osoko hiri-ondasun komunak ezagutu zituen, eta, ondoren, hiri-ondasun komunen eta jabetza-modu alternatiboen arteko loturei buruzko ikerketa akademikoa hasi zuen, teoria juridikoan, Vrij Universiteit Brussels-en. Yes We Camp-en administratzailea ere bada, eta Plateau Urbain kooperatibaren Ikuskapen Kontseiluko kide da, baita Bellevilles higiezinen sozietatearen Eragin Batzordeko kidea ere. Gaur egun, hiri-ondasun komunak Europan hedatzen laguntzeko lan egiten du.
Diseinua interesatzen zait, soluzioak sortu eta etorkizunak eraikitzeko tresna gisa duen funtzioagatik eta batez ere, prozesu kolektiboak irudikatzeko eta eredu berriekin esperimentatzeko duen balioagatik. Tipiko bazkide kofundatzailea naiz. Bertan, lan-esparru eta -metodologia berriak ikertzeaz arduratzen naiz, eta hainbat eskalatako eta hainbat esparrurekin lotutako administrazio publikorako prozesu, programa eta zerbitzu berritzaileak diseinatzen aritzen naiz.
Antolatzailea
